Seite 73 - Strandlooper2013

Basic HTML-Version

Der STRANDLOOPER bringt in regelmäßigen Abständen
plattdeutsche Beiträge, um unsere alte Sprache lebendig zu
erhalten. Haben Sie Schwierigkeiten mit dem Übersetzen?
Dann bitten Sie doch einfach einen Insulaner um Hilfe.
SHANTIES
Wenn se ok neet up de wiede solten See to Huus sünd, so
seilen se doch gern mal – in Gedanken versteiht sück – rund
um Kap Hoorn und drömen d’r van, sülmst Matrosen to
wäsen, an Bord van en schlanken Dreemastbark.
Meent sünd de Shanty-Singers, de ja överall an de Küst und
ok up de Eilannen to finnen sünd. Wor du ok kummst
tüschen Skagen un Texel, dor singen se van See un Wind,
van Störm un Bulgenslag. Dat is so recht wat för all de, de
to Sömmertied as Kur- un Badgasten an de Küst kamen.
Een blau Pakje an, de Skippermütz so’n bäten scheef up de
Kopp, wiede Klappbüxen, so stahn se breetbeent dor. Un
well neet wuß, dat Jan een Maler, Hinnerk een Pennliker und
Gerd een Koopmann is, de kunn hör woll allmitnanner för
echte Seelü hollen.
So mennig Binnenlanner, de glövt hör dat up’t Woord, wenn
se van de „zuckersöte Deern ut de Südsee“ singen. Ick kenn
so’n Grupp, so’n Crew: Wenn de mal binanner sünd, denn
dürt dat neet allto lang, un de See geiht hoch. Un Stimmen
hemm se, uns Shanty-Singers, dor kunn sück mennig
Schlagersänger noch’n Schief van ofsnieden.
Also mi gefallt dat Leed van „Molly-Melloun“ am besten. Se
is’n arm Deern, de’t verdammt stur hett, all dat wat hör
Vader an Butt, Granat und Mussels anlandt, to verkoopen.
Ich seeg hör denn rein för mi, wo se mit hör lüttje Koar dor-
hentreckt, up blode Footen un up’n good Geschäft bi den
Straat langs hapt.
Nu wor’n ja de Shanties in Englisch sungen. Man worum’t
geiht, is doch alltied datsülwige: Matrosen, Deerns un sol-
ten See. Wenn’t up’t letzt ok allens Kökelee is.
Un denn kenn ick een so’n Shanty-Singer, wenn de de
„Whisky-Jonny“ singt, so mit’n rüstergen Stimm, kriggst rein
Döst d’r na un muchst am leevsten glieks de Buddel grie-
pen. Man so mutt sowat ok sungen worn. Jüst dat finn ick
so moij, dat elk so singt as he singen kann un neet so deit,
as weer he nu’n grooden Künstler. Nä, so as’t kummt mutt’t
gellen, ok wenn dor mal so’n Veerdelton vörbirakt, wat deit’?